Teka, pasulat nga muna bago ako matulog. Mabigat ang araw ko. Nakipagkwentuhan lang naman ako, pero nakakapanghina. E kasi mabigat din yung kwento. Hayyyyyyyy. Nanghina ako to the point na bigla na lang akong umupo sa gilid ng kalsada habang naglalakad papunta sa sakayan ng jeep. Inisip kong i-cancel na lang yung pakikipagkita sa isa ko pang kaibigan, pero kako baka marecharge naman ako sa pagkikita namin, so sige push. Kumain kami, nagkwentuhan, naglakad-lakad, at nagpray. In fairness, napahinga ako. Tapos hinatid niya ako sa abangan ng bus. Natulog ako sa byahe, paubos na powers ko e.
Buti na lang pag-uwi, kinwento ni Mama yung fulfilling niyang araw kahapon. Yeyyyy salamat Lord, nakakatuwang makinig! After kwento, cellphone mode, tapos laptop. Mag-Yoga with Adriene sana ako, goal ko magyoga buong September, kaso ang theme niya ngayon ay “Celebrate.” Sakto naman sana kasi nga birthday ko this month, dapat lang na mag-celebrate ako. Kaso di ko feel mag-celebrate today. Kaya sinearch ko si Yoga with Travis. Ang theme niya this month ay “Empowered.” Ayyyy bet! Kailangan ko ngayon magrecharge ng powers. Gusto kong ma-empower. Ayuuun, pinush ko na. Sulit! Iba rin ang power yoga. Sakto sa need ko ngayon, sarap sa pakiramdam. 🙂
**written Sept 2, 2022 after kong magyoga para magtagtag ng stress sa katawan at mag-recharge ng sarili
jassy delights 