0

Nag-iipon ako ngayon

Alam mo, nag-iipon ako ngayon. Ng mga kwento. Kinakabahan kasi ako na baka pag tinanong mo ulit ako kung anong kwento ko, wala na naman akong maisagot haha.

Sayo lang ako nawalan ng kwento. Sayo lang ako natahimik. Sayo lang ako di nakaimik. Iba ka. Haha natupi ako e. Paano mo nagawa yun? Bakit may ganun kang effect sa akin?

Pero di na mauulit yun, kasi nag-iipon na ako ng kwento ngayon. Para pag nagkita tayo, handa ako. Di na ako matatameme. Oh yeah.

Di muna ako magkukwento ng mga ganap ko. Pag may time ka na lang. Haha charot!

Advertisements
0

Tuesdays :)

Maraming Tuesday na ang nakalipas, pero di pa rin ako nagsusulat. Siguro kasi di ko mahanap yung mga salitang gagamitin ko na tutumbas sa saya ng kwentuhan natin. O siguro di ko mahabol yung bilis ng utak ko pag inaalala ko yung mga napag-usapan natin sa loob lang ng ilang oras. 

Ang galing no? Lagi na tayong Tuesday kung magkita. Siguro dati, di yun sadya, hanggang sa ang sarap na lang din sadyain na magkita tayo ng Tuesday. Pakiramdam ko tuloy pwede (o dapat) na akong magsulat ng libro na Tuesdays with Charrie HAHAHA

Alam mo ba, isa talaga sa mga panalangin ko e dumalas ang kwentuhan natin, at sobrang nagpapasalamat ako sa Diyos kasi unti-unti yung natupad. 🙂 Dami ko kasing gustong ikwento sayo, at gustong-gusto ko ring makarinig ng kwento mo.

Dami na nating napagkwentuhan – pangarap, pag-aaral, trabaho, pamilya, teleserye, at kung ano-ano, na iniisip ko, sana pala nakapagsulat man lang ako ng quotable quote mula sa pag-uusap natin hehe.

O basta, ano man ang ganap natin sa buhay, alam kong magsusuportahan pa rin tayo. So, salamats Cha! 🙂 Kitakits ulit sa Tuesday, at sana makapagsulat ako kahit konti tungkol dun. 🙂

0

Mahaba-habang lakaran

Bihira lang tayo magkita, pero lahat ng pagkikitang yun, laging sulit. Lalo na nitong mga nagdaang araw. Pag nagkita tayo, buong araw tayong magkasama kasi marami tayong linalakad haha
Grabe, dami nating napagkwentuhan, napunan yung mga panahong di tayo nakakapagkita. Mga kwentong pamilya, pag-aaral, kaibigan, libro, kapayapaan sa mundo, trabaho, pananampalataya, pusa, buhok, plano sa buhay, mga kakilala, palabas sa TV, etc, etc. Di tayo nauubusan ng kwento, marami kasi talaga tayong pwedeng pagkwentuhan. 🙂

Salamat sa mga kwentuhan kasi dun tayo mas nakakapag-isip at yun din ang mas nagpapalalim ng friendship natin, diba? Natutuwa talaga ako sa mga lakad natin, nagmamabagal man na lakad o nagmamadali hihi, mga lakad na akala maikli, napakahaba pala, at mga lakad na akala saglit lang, pero matatagalan pala. HAHA

At kahit halos tapos na ang mga nilakad nating papel, alam kong hindi pa rin tapos ang mga lalakarin natin na magkasama. Nuuks! Go go go Cha! 🙂 Suportahan kita all the way! 🙂